Уступіць у БI
Што такое бізнес-інкубатар Парка высокіх тэхналогій?
Гэта практычная падтрымка новых startup-кампаній, якія займаюцца распрацоўкай уласных прадуктаў, і развіццё асаблівай інавацыйнага IT-асяроддзя.
Калі вы працуеце над прататыпам ці ўжо стварылі ўласны унікальны прадукт, зарэгістравалі сваю кампанію або гатовыя пачаць уласны бізнес - мы дадзім платформу для развіцця вашага праекта!
Што атрымліваюць стартапы ў бізнес-інкубатары?
- свой уласны офіс плошчай ад 44,5 да 116 кв. метраў на ўмовах льготнай арэнды;
- экспертную інфармацыйную падтрымку і кансультацыі ад вядомых бізнесменаў, ментараў і топ-менеджэраў кампаній-рэзідэнтаў Парка высокіх тэхналогій;
- удзел у мерапрыемствах бізнес-інкубатара — канферэнцыях, семінарах, трэнінгах і майстар-класах.
Але самае галоўнае — гэта магчымасць для сувязі з "патрэбнымі" людзьмі і кампаніямі:
- доступ да пулу вопытных бізнес-экспертаў і магчымасць знайсці ментара для свайго стартапа;
- ўзаемадзеянне з інвестыцыйнымі і венчурнымі фондамі, якія сфакусаваны на сферы IT;
- выкарыстанне сеткі кантактаў Парка высокіх тэхналогій і бізнес-інкубатара ў інтарэсах свайго бізнесу.
Як трапіць у бізнэс-інкубатар?
Каб удзельнічаць у конкурсным адборы на размяшчэнне ў бізнес-інкубатары неабходна:
- быць зарэгістраваным у якасці юрыдычнай асобы ці індывідуальнага прадпрымальніка на тэрыторыі Рэспублікі Беларусь не больш за тры гады;
- ня мець запазычанасці перад бюджэтам або дзяржаўнымі пазабюджэтнымі фондамі;
- не знаходзіцца на стадыі рэарганізацыі, ліквідацыі або банкруцтва.
Крытэрыі для адбору ў бізнэс-інкубатар:
- адпаведнасць дзейнасці, меркаванай да ажыццяўлення ў інкубатары, відах дзейнасці Парка высокіх тэхналогій;
- распрацоўка і развіццё ўласных прадуктаў (паслуг), пацверджаных наяўнасцю рабочых прататыпаў або гатовых узораў, заснаваных на унікальных тэхналогіях, ноу-хау і іншых канкурэнтных перавагах;
- патэнцыйная маштабаванасць дзейнасці;
- магчымасць забеспячэння бясстратнасці дзейнасці ў рамках абранай бізнэс-мадэлі;
- дастатковасць уласных і (або) прыцягваемых рэсурсаў для дасягнення заяўленых мэт;
- наяўнасць у членаў каманды прадпрымальніцкага вопыту, вопыту рэалізацыі праектаў па выбраных напрамках дзейнасці,перспектывы стварэння дадатковых працоўных месцаў.
Для ўдзелу ў адборы неабходна прадставіць у Сакратарыят Назiральнага савета ПВТ пакет неабходных дакументаў (патрабаванні да іх афармлення будуць высланы па электроннай пошце пасля запаўнення заяўкі на афіцыйным сайце Сакратарыята Назiральнага савета ПВТ)
