Лiчбы i факты

ПВТ – гэта бурны рост стварэння новых кампаній. У 2019 годзе ў Парк уступіла 319 новых кампаній, у 2020-2021 гадах – яшчэ 417. Сёння ў ПВТ – 1065 рэзідэнтаў і больш за 76 тысяч работнікаў. 

ПВТ – гэта месца прыцягнення кампаній з сусветным імем. У Парку засяроджаны 121 цэнтр распрацоўкі замежных карпарацый. 

ПВТ – гэта замежныя інвестыцыі. Больш за 40% рэзідэнтаў Парка – кампаніі з замежным капіталам. Сума прамых замежных інвестыцый у 2020 годзе склала $331,7 млн. 

ПВТ – гэта флагман знешняга гандлю. Экспарт рэзідэнтаў ПВТ у 2020 годзе склаў $2,7 млрд пры тэмпе росту 125%. Гэта каля 30% усяго экспарту паслуг Беларусі. Знешнегандлёвае сальда ПВТ у 2020 годзе склала плюс $2,4 млрд. 

ПВТ – гэта найбуйнейшы драйвер беларускай эканомікі. ПВТ сёння – гэта 4% ВУП нашай краіны. 

ПВТ – гэта рэкордныя паказчыкі росту. Аб'ём вытворчасці рэзідэнтаў у 2020 годзе склаў 7 млрд 400 млн рублёў пры тэмпе росту ў 143%. 

ПВТ – гэта буйны падаткаплацельшчык. Паводле звестак Міністэрства падаткаў і збораў Беларусі, у 2020 годзе рэзідэнты ПВТ заплацілі ў бюджэт 418 млн рублёў. 

ПВТ – гэта новыя працоўныя месцы. За 2020 год рэзідэнты ПВТ стварылі звыш за 10 тысяч новых працоўных месцаў. 

ПВТ – гэта лепшае месца для рэлакацыі. Паводле звестак Міністэрства ўнутраных спраў Беларусі, за тры апошнія гады ў гэтым пераканаліся каля 3000 замежных спецыялістаў. 

ПВТ – гэта бліскучы імідж краіны на міжнароднай арэне. Штогод Парк наведваюць дзясяткі замежных дэлегацый – ад высокага кіраўніцтва замежных дзяржаў да прадстаўнікоў бізнесу і буйных карпарацый.