Як стаць рэзідэнтам

1. Азнаёміцца з заканадаўствам

Уважліва азнаёміцца з Дэкрэтам Прэзідэнта Рэспублікі Беларусь ад 22 верасня 2005 г. № 12 «Аб Парку высокіх тэхналогій» (у рэдакцыі дэкрэта №8). Асаблівую ўвагу трэба звярнуць на пункт 3 Палажэння аб ПВТ, дзе пералічаны віды дзейнасці, якімі могуць займацца рэзідэнты ПВТ.

2. Падрыхтаваць бізнес-праект

Бізнес-праект рыхтуецца па зацверджанай форме (пастанова Савета Міністраў ад 27 сакавіка 2006 г. № 403). Таксама пры падрыхтоўцы бізнес-праекта неабходна кіравацца метадычнымі рэкамендацыямі па афармленні дакументаў, якія прадстаўляюцца для рэгістрацыі ў якасці рэзідэнта ПВТ. 

Распрацаваныя адміністрацыяй ПВТ рэкамендацыі дазваляюць заяўніку самастойна (сіламі сваіх работнікаў) падрыхтаваць бізнес-праект для рэгістрацыі ў якасці рэзідэнта Парка высокіх тэхналогій.

Прыцягненне знешняй арганізацыі-кансультанта для падрыхтоўкі бізнес-праекта ніякім чынам не ўплывае на набыццё статусу рэзідэнта ПВТ.

3. Падаць дакументы ў адміністрацыю ПВТ

Для рэгістрацыі ў якасці рэзідэнта Парка высокіх тэхналогій у адміністрацыю ПВТ прадстаўляюцца наступныя дакументы:

  • бізнес-праект, які прапануецца рэалізаваць у якасці рэзідэнта ПВТ;
  • Заяву па форме, зацверджанай пастановай Савета Міністраў Рэспублікі Беларусь ад 27 сакавiка 2006 г. № 403;
  • копіі статута (устаноўчага дагавора - для камерцыйнай арганізацыі, якая дзейнічае толькі на падставе ўстаноўчага дагавора);
  • копія пасведчання аб дзяржаўнай рэгістрацыі юрыдычнай асобы.

Патрабаванні да афармлення названых дакументаў падрабязна выкладзены ў метадычных рэкамендацыях па афармленні дакументаў, што прадстаўляюцца для рэгістрацыі ў якасці рэзідэнта ПВТ. 

Звяртаем увагу, што Наглядальным саветам Парка высокіх тэхналогій вызначаны дадатковыя патрабаванні да заяўнікаў, якія плануюць ажыццяўляць дзейнасць з лічбавымі знакамі (токенамі).

4. Чакаць рашэння Назіральнага савета

Адміністрацыя ПВТ разглядае прадстаўленыя дакументы і накіроўвае іх са сваiм заключэннем аб мэтазгоднасці або немэтазгоднасці рэгістрацыі заяўніка ў якасці рэзідэнта Парка высокіх тэхналогій на разгляд Назіральнага савета.

Рашэнне аб рэгістрацыі (аб адмове ў рэгістрацыі) юрыдычнай асобы ў якасці рэзідэнта Парка высокіх тэхналогій прымаецца Назіральным саветам з улікам важнасці і значэння прадстаўленага бізнес-праекта для развіцця сферы новых і высокіх тэхналогій.

Агульны тэрмін разгляду адміністрацыяй ПВТ дакументаў і прыняцця рашэння Назіральным саветам аб рэгістрацыі (або адмове ў рэгістрацыі) заяўніка ў якасці рэзідэнта Парка не можа перавышаць аднаго месяца і 10 дзён з дня падачы такіх дакументаў. (Арыенціровачна - 40 каляндарных дзён). 

Па дадатковыя тлумачэнні звяртайцеся ў аддзел рэгістрацыі рэзідэнтаў адміністрацыі ПВТ па электронным адрасе registration@park.by альбо па тэл. +375 17 268 69 19 

Для адпраўкі дакументаў на папярэдняе вывучэнне ў аддзел рэгістрацыі націсніце кнопку

Уступіць у ПВТ